hastiin k’aalógii ’ání
By Manny Loley
dził k’aalógiigi
haataałii ła’ kééhat’įį
dził bits’ ąądęę’
shił ‘ééhózin
shidíínįįd
dził bits’ąądęę’
shizhi’ shila’k’éelyaa
hastiin k’aalógii
bee shaahodilzin
łahdah hastoi
shizhi’ ya’nidaalt’í’
nidi doo shi’diił’aadah
shimásání ’akó shidíínįįd,
diné doo baa jidlohda
náasdi doo ‘ééhózinda
nádleeh nahalinigii
diyin bee bi’dolzįį’
béédeelniihdoo
Notes:
Audio version performed by the author.
Read the English-language translation by the author, “butterfly man tells a story.”
Source: Poetry (July/August 2022)